كلنا عم نمرق فترة صعبة، غريبة ومليانة تحديات نحو نفسنا ونحو العالم!
راح أحكي عن هالموضوع لاحقا
أغلب وقتي عم أستغله بكتابة، تلحين وتسجيل أغاني جديدة، مستوحاة من كل اشي بمرقه بهالفترة، ومن قصص ناس كتيرة، قصص ملهمة ومعبرة!
هالأغاني عم يتسجلو بالاستوديو البيتي المتواضع، اللي بنيته بفترة هالحجر والعزلة. هالاستوديو الصغير عم بكون لي الملجأ، المنفس والعلاج النفسي الوحيد اللي من خلاله عم بحاول أحافظ على معنوياتي وطاقاتي وعقلاتي ؛)! ومن خلاله عم بتواصل معكم وعم بشارككم بكل جديد…
ومن خلاله كمان تواصلت مع اصدقاء موسيقيين خارج البلاد وفعلا استطعنا ننجز أعمال مشتركة ونتحدى نفسنا ونتحدى الصعوبات! أول أغنية اتسجلت وشافت الضوء هي أغنية “برفع صلاتي لربنا” كلمات استوحيتها من الأغنية الاحتجاجية Solo le pido a Dios للفنان الأرجنتيني سنة 1978 ,Leon Gieco
احتجاجا على الانظمة الدكتاتورية واحداث العنف والظلم! ولاقت رواج كبير لما غنتها العظيمة Mercedes Sosa بمرافقته.
هالأغنية مهداة لكل قلب حزين ومظلوم ، لكل انسان يائس، لنملي قلبنا شوي شوي بالأمل ولنعيد النظر والتفكير بأمور حياتنا مع حياة الأخرين وبالمستقبل المشترك على هذا الكوكب
بتمنى تنال اعجابكن/م
وأهم اشي خليكو بالبيت 😊!!!
تابعوني على صفحة الفيسبوك:
http://www.facebook.com/MiriamToukan.OfficialWebsite/
ومن خلال موقعي:
miriamtoukan.com/😊
https://youtu.be/mXX9ojGUA4w